၁။ ကိုးထပ်ကြီးဘုရားကြီး
ရန်ကုန်တိုင်း စမ်းချောင်းမြို့နယ်အတွင်း တည်ရှိသည်။ အရှေ့ဘက်တွင်
ရှမ်းလမ်း၊ အနောက်ဘက်တွင် မြို့ပတ်မီးရထားသံလမ်း၊ တောင်ဘက်တွင် သီရိခေမာရပ်ကွက်နှင့်
မြောက်ဘက်တွင် ဗားကရာလမ်းမကြီး ရှိသည်။
၂။ ခြောက်ထပ်ကြီးဘုရားကြီး
သောတုဇနရဟန်းသာမဏေများအတွက် တက္ကသီလာမြကျွန်းသာဟု ကျော်စောသော မဟာဗုဒ္ဓရာမ
ဘုရားကြီးကျောင်းတိုက်သည် ခြောက်ထပ်ကြီးဘုရားကြီးအား ၀န်းရံယုယထားသည့်အလား ရှိသည်။
ခြောက်ထပ်ကြီး၏ ထူးခြားချက်တစ်ရပ်မှာ စက်လက္ခဏာတော်ပင်ဖြစ်သည်။
၃။ ငါးထပ်ကြီးဘုရားကြီး
ရွှေတိဂုံစေတီတော်မြတ်ကြီး၏ အရှေ့မြောက်ဘက် ယွန်းယွန်းတွင် တည်ရှိသော
ငါးထပ်ကြီးကုန်းတော်ကို ရှေးအခါက အရှေ့တောရဟု ခေါ်ကြသည်။
၎။ မဟာမင်္ဂလာဆုတောင်းပြည့် ရုပ်ပွားတော်မြတ်ကြီး
ဗဟန်းမြို့နယ် ဇီဝိတဒါန သံဃာဆေးရုံရှေ့ ညောင်တုန်းကျောင်းတိုက်တွင်
တည်ရှိသည်။
၅။ မဟာဇေယျ အတုလမာရဇိန် ကြေးသွန်းဘုရားကြီး
မဟာဇေယျ အတုလမာရဇိန် ကြေးသွန်းဘုရားကြီးမှာ ဗဟန်းကြားတောရလမ်း
ဗဟန်းဈေးအနီးတွင် တင်ပလ္လင်ခွေ ကြေးဆင်းတုတော်ကြီးအဖြစ် သပ္ပာယ်စွာ တည်ရှိသည်။
၆။ ရွှေခေါင်းလောင်းကြီး
ရွှေခေါင်းလောင်းကြီးကို ရွှေတိဂုံစေတီတော်မြတ်ကြီး၏ အရှေ့ဘက်စောင်းတန်းမှ
တက်ရောက်လျှင် လက်ဝဲဘက်စောင်းတန်းထိပ်တွင် ရှိသည်။ စောင်းတန်းအတွင်း၌ တင်ပျဉ်ခွေ ရုပ်ပွားတော်ကြီး
လေးဆူရှိသည်။ ပွင့်တော်မူပြီးသော ဘုရားလေးဆူကို ရည်မှန်း၍ တည်ထားဟန်ရှိသည်။
၇။ နောင်တော်ကြီး စေတီတော်မြတ်ကြီး
နောင်တော်ကြီးစေတီ တည်နေရာမှာ ဆံတော်ရှစ်ဆူကို
ပင့်ဆောင်ရာဝယ် ခေတ္တစံပယ်တော်မူသော နေရာဟု အဆိုပြုကြသည်။ ရွှေတိဂုံဘုရားမတည်မီ တည်သောကြောင့်
နောင်တော်ကြီး (ရွှေတိဂုံ၏နောင်တော်) ဟု ဘွဲ့အမည်နာမဖြစ်ရကြောင်း ပညာရှင်တို့ဆိုပါသည်။
မြတ်ဗုဒ္ဓ၏ ဆံတော်မြတ်ကို ပင့်ဆောင်စဉ်က ဥက္ကလာပမင်းကြီး တဖုဿ၊ ဘလ္လိကနှင့် ပြည်ထောင်စုဖွား
တိုင်းရင်းသားတို့ အထိမ်းအမှတ်အဖြစ် တည်ထားခဲ့ခြင်းဟု ဆိုပါသည်။
၈။ ချမ်းသာကြီးဆင်းတုတော်ရုပ်ပွားတော်ကြီး
မြတ်ရွှေတိဂုံ အောင်မြေနှင့်ကပ်လျက် ရာဟုထောင့်တွင်
ရှိသည်။ တန်ဆောင်းကြီးအတွင်းတွင် တည်ထားသော ချမ်းသာကြီးဘုရားရုပ်ပွားတော်ကြီးကို အကြောင်းပြု၍
ယခုအခါ ချမ်းသာကြီးတန်ဆောင်းဟု လူသိများထင်ရှားလေသည်။
၉။ ရဟန္တာမဟာသိမ်တော်ကြီး
မဟာသက္ကရာဇ် ၁၀၃ ခု တပေါင်းလပြည့် ဗုဒ္ဓဟူးနေ့
ရွှေတိဂုံစေတီတော်မြတ်ကြီးကို တည်ထားပူဇော်သည်မှ ၃ နှစ်မြောက်တွင် ရဟန္တာသခင် ၁၀၈ ပါးတို့က
သိမ်သမုတ်ကာ တည်ထားခဲ့၏။ မဟာတိဂုမ္ဘဒက္ခိဏဒိသာမဟာသိမဟု ဘွဲ့အမည်ရှိတော်မူသည်။ ရဟန္တာအရှင်မြတ်များ
သမုတ်တည်ထားအပ် သောကြောင့် ရဟန္တာမဟာသိမ်တော်ကြီးဟု ထင်ရှားသည်။
No comments:
Post a Comment